Англия чемпионатининг 1-туридан ўрин олган «Манчестер Юнайтед» – «Лестер» учрашуви ўз ниҳоясига етди. «Олд Траффорд»да бўлиб ўтган баҳс манкунианликларнинг ғалабаси билан тугади.

Учрашувнинг 3-дақиқасидаёқ Поль Погба пенальтини аниқ амалга ошириб жамоасини олдинга олиб чиқди: бу вазиятда Даниэль Амарти ўз жарима майдончаси ичида қўл билан ўйнаганди.

83-дақиқада Люк Шоу мезбонларнинг иккинчи голини урган бўлса, ҳакам томонидан қўшиб берилган вақтда Жейми Варди ҳисобни қисқартиришга эришди.

Шу тариқа, Жозе Моуринью шогирдлари янги мавсумни ғалаба билан бошлашди.

Англия чемпионати, 1-тур

Манчестер Юнайтед – Лестер 2:1 (1:0, 1:1)

Голлар: 1:0 – 3, пенальти Погба, 2:0 – 83 Шоу, 2:1 – 90+2 Варди.

Манчестер Юнайтед – Де Хеа, Байи, Шоу, Дармиан, Линделеф, Погба (Феллайни, 84), Перейра, Мата, Фред (Мактомини, 76), Санчес, Рэшфорд (Лукаку, 67).

Лестер – Шмейхель, Магуайр, Морган, Чилуэлл, Рикарду Перейра, Ндиди, Амарти (Геззаль, 63), Мэддисон (Варди, 63), Адриен Силва (Иборра, 80), Грэй, Ихеаначо.

Огоҳлантиришлар: Амарти (51), Фред (54), Перейра (69).

Манба: www.uff.uz