Бугун бўлиб ўтган Суперлиганинг сўнгги ўйинида "Бухоро" сафарда "Металлург" меҳмони бўлди.
Мазкур баҳсда майдон эгалари 1:0 ҳисобида зафар қучишди. Учрашувдан сўнг ўтказилган матбуот анжуманида "Бухоро" клуби бош мураббийи Улуғбек Бақоев ишдан кетаётганини маълум қилди.
"Мана, бугунги ўйин билан 2018 йилги чемпионат ҳам ўз якунига етди. Бу мен учун мураббий сифатида иккинчи мавсум бўлди. Жамоам билан бу йил ҳам ўтган йилдаги каби 6-ўринни эгалладик. Суперлига баҳслари ўзига яраша қизиқ ва шиддатли ўтди дейишим мумкин".
"Мавсум давомида бизни қўллаб-қувватлаган барча мухлисларга, раҳбариятга, футболчиларга ва клуб ходимларига ташаккур айтаман. Ўзимга келсак, мураббийлик соҳасида янада кўпроқ изланишим, ўқишим керак деб ҳисоблайман. Шу сабабли бугун жамоа бош мураббийлигидан бўшаш ҳақида ариза ёзишга қарор қилдим".
"Бу қарорга келиш жуда оғир бўлди. Мен ўз юртимни, ўз шаҳримни ва футболда ўтган йилларимда мен билан бирга бўлган барчани яхши кўраман. Менинг футболчи бўлиб етишишимда Бухоронинг ўрни катта. Шу ерда улғайдим, футбол сабаб бошқа юртларда ҳам тўп тепдим".
"Орзу қилардимки, бир кун келиб ўзимнинг севимли жамоамда мураббий бўлишни. Мана орзуим амалга ошиб икки йил жамоани бошқардим. Шу икки йил ичида "Бухоро" учун чин юракдан меҳнат қилдик. Жамоа ҳар икки мавсумда чемпионат етакчиларига қарши муносиб рақобат кўрсата олди. Бугунги қароримни барча тўғри тушунади деган умиддаман. "Бухоро" ҳамиша қалбимда яшайди. Мени қўллаб-қувватлаган барчага ўз миннатдорчилигимни изҳор этаман", - дейди Бақоев. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Россия қўшинлари Авдеевкадаги иккита қишлоқни эгаллаб олди
Эрдўғон террорчилар ҳақида кескин гапирди
Эммануэл Макрон: “Украина тез орада қулаши мумкин”
«Крокус»даги ҳужум бўйича саккизинчи айбланувчининг исми ошкор қилинди
Терактдан кейин Россиядаги Тожикистон фуқаролари нафрат ва тажовузга дучор бўлмоқда
Россиянинг ҳарбий операциядаги манёври Украинани ҳайратга солди
Россиялик терговчилар терактда айбланаётганлар оиласини сўроқ қилиш учун Тожикистонга келди
Россия Ғазога 29 тоннадан ортиқ инсонпарварлик ёрдами жўнатди