Ўзбекистонлик ўсмирлар шахмат олимпиадасида Эронни мағлубиятга учратишди

Туркиянинг Конья шаҳрида 16 ёшгача бўлган ўсмирлар ўртасида шахмат бўйича Бутунжаҳон олимпиадаси давом этмоқда.

Ўзбекистон Шахмат федерацияси матбуот хизматининг Kun.uz’га хабар беришича, 1 декабрь куни Ўзбекистон терма жамоаси саккизинчи турни ўтказди.

^{Фото: Ўзбекистон Шахмат федерацияси матбуот хизмати}
Унда ўзбекистонлик ёш иқтидор эгалари Эрон терма жамоасини 2,5 – 1,5 ҳисобида мағлубиятга учратишди.

^{Фото: Ўзбекистон Шахмат федерацияси матбуот хизмати}
Нодирбек Абдусатторов, Жавоҳир Синдоров ва Шамсиддин Воҳидов дуранг қайд этган бўлса, Нодирбек Ёқуббоев иккинчи доскада ғалабага эришди.



Эслатиб ўтамиз, аввалроқ Ўзбекистон терма жамоаси ўсмирлар ўртасидаги Бутунжаҳон шахмат олимпиадасида Ҳиндистон ва Украинани мағлубиятга учратганди. «Замин»ни Telegram’да ўқинг!