Анчелотти: "Кейинги сафар майдонни ташлаб чиқиб кетишга ва техник мағлубиятга тайёрмиз"

«Наполи» бош мураббийи Карло Анчелотти «Интер»га қарши ўйин ҳақида (0:1) ўз фикрлари билан ўртоқлашар экан, Калиду Кулибалининг қизил карточкаси ва ўйиндаги ирқчилик руҳидаги ҳайқириқларга изоҳ берди.

Неаполликлар ҳимочиси 80-дақиқада ҳакамнинг қароридан сўнг унга истеҳзоли тарзда қарсак чалди, бунинг натижасида қизил карточкага лойиқ кўрилди. Таъкидлаш жоиз, Кулибалига ўйин давомида трибунадан ирқчилик руҳидаги ҳайқириқлар янграб турди.

«Ғалати атомосферага гувоҳ бўлдик. Биз ҳакамдан уч бор ўйинни тўхтатишини сўрадик. Уч марта сухандон стадионга мурожаат қилди. Кулибали жуда ғазабда эди. Одатда у жуда босиқ ва профессионал футболчи. Биз уч марта бирор чора кўришларини сўрадик, аммо ўйин давом этаверди.
Бизга ўйин тўхтатилиши мумкинлигини айтишди, бироқ қачон? Тўрт-беш марта стадионга мурожаат қилгандан кейинми?

Балки кейинги сафар ишни ўз қўлимизга олиб, майдонни тарк этишимиз керакдир. Бизга техник мағлубият ёзишади, аммо биз бунга тайёрмиз. Бу Италия футболи учун ёмон», – дейди Анчелотти.

Манба: www.uff.uz «Замин»ни Telegram’да ўқинг!