АГМК ОЧЛ-2019 саралаш ўйини олдидан Дубайда йиғин ўтказади

  • 28 декабрь 2018, 21:43
  • 781
  • Спорт
  • АГМК ОЧЛ-2019 саралаш ўйини олдидан Дубайда йиғин ўтказади
    Келаётган мавсумда халқаро майдонда юртимиз шарафини ҳимоя қиладиган жамоаларимиздан бири – АГМК аллақачон янги мавсум тадоригини бошлаб юборган.

    Жамоа 22 декабрдан буён Тошкентда йиғин ўтказмоқда. Машғулотлар 30 декабрга қадар давом этиши кўзда тутилган. Сўнгра футболчиларга қисқа таътил берилади ва олмалиқликлар 3 январдан яна пойтахтда тўпланишади.

    Мавсум-2019ни биринчилардан бўлиб бошлайдиган жамоа 15 январга қадар Тошкентда шуғулланади. Сўнгра АГМК хориж йиғинини ўтказиш учун БААга йўл олади. Олмалиқликлар Дубайда 18-31 январь кунлари ўқув-машғулот йиғини олиб боришади. Сўнгра жамоа юртимизга қайтиб, Осиё чемпионлар лигаси ўтиш босқичи ўйинига тайёргарликни давом эттиради.

    Таъкидлаш жоиз, Миржалол Қосимов шогирдлари 12 февраль куни ОЧЛ-2019 саралаши доирасида Тожикистоннинг “Истиқлол” клубига қарши баҳс олиб боради.

    Манба: www.pfl.uz

    » » АГМК ОЧЛ-2019 саралаш ўйини олдидан Дубайда йиғин ўтказади