Месси: «Ювентус» кучли жамоа, Роналду билан улар янада кучли бўлди

«Барселона» клуби ҳужумчиси Лионель Месси «Ювентус» клубини Европа чемпионлар лигасининг жорий мавсумдаги асосий фаворитлар қаторига киришини айтиб ўтди.

- Чемпионлар лигасида гуруҳ босқич ортда қолди. Қайси жамоаси сизга кўпроқ ёқди: «Ювентус», «Ман Сити», «ПСЖ»?

- Мен «ПСЖ» нинг кўп ўйинларини кўрмадим, чунки биз улар билан бир кунда ўйнадик. Лекин ушбу клубда тўп сурадиган футболчиларни биламан ва Франция чемпионатидаги ўйинларини кузатиб бораман.

«Ювентус» - кучли жамоа. Роналдунинг келганига қадар ҳам шундай эди, лекин у билан клуб янада кучли бўлди. Улар ЕЧЛ ғолиб бўлиш учун жиддий даъвогар ҳисобланади.

«Ман Сити» - жуда ҳам ёрқин жамоа, клубда юқори даражали футболчилар жамланган. «Бавария» яна яхши ўйин намойиш қилмоқда. Битта жамоани алоҳида олиб айтиш қийин, чунки бу чемпионлар лигаси», - дейди Месси.

Манба: www.uff.uz «Замин»ни Telegram’да ўқинг!