Вальверде: “Месси ўзга сайёралик. У тўп билан бўлса, доим нимадир содир бўлади”

  • 03 март 2019, 20:16
  • 1 765
  • Спорт
  • Вальверде: “Месси ўзга сайёралик. У тўп билан бўлса, доим нимадир содир бўлади”
    “Барселона” бош мураббийи Эрнесто Вальверде Ла Лига 26-тури доирасида “Реал” устидан (1:0)қозонилган ғалаба ҳақида гапирди.
    -Биз иккинчи йилдан буён чемпионатда таъқибчиларимиздан катта очко билан олдинда бораяпмиз. Вақт ўтиши билан бунга муносиб баҳо беришади. Аммо олдимизда ҳали узоқ йўл бор.

    -“Реал” “ўлдими”?
    -Улар кўплаб баҳсларда ғалабага эришишлари мумкин. “Атлетико” ҳам бор. Мадридни ҳисобдан чиқарсак, мағлуб бўлишни бошлаб юборишимиз мумкин.
    90 дақиқалик хавотирдан сўнг биз ўзимиз ҳам ҳали қандай натижага эришганимизни ҳис қила олганимиз йўқ. Аммо мухлисларимиз бахтли. Аввалги баҳсда биз ўйинни ўз назоратимизга олишга урингандик. Бироқ керакли даражада буни амаллай олмагандик. Бугун яхшироқ ўйнадик, дея оламан.
    Агар иккинчи голни урганимизда, ўйин охиридаги бошоғриқлардан қутулардик. Бироқ рақибга имкон қолдирдик. Сўнгги дақиқаларни хавотир билан ўтказдик.

    -Месси ҳақида нима дейсиз?
    -Унинг айтишича, ҳаммаси жойида. У барча футболчилар сингари бор кучи билан ҳаракат қилди. Месси-ўзга сайёралик. Ҳар доим у тўп билан муомалада, нималардир ўйлаб топишга уринади.

    -Ракитич ҳақида қандай фикрдасиз?
    -Иван жуда тартибли ва интизомли футболчи. Ўйин бошидан охиригача, мавсум бошидан сўнггигача. Жуда қадрли футболчи.

    -Сиз мухлислар кўз ўнгида уларда ўзингизга бўлган ишончни орттирдингиз...
    -Билмадим. Билишниям истамайман. Менга фарқи йўқ. Мен жамоам яхши ўйнаши ва ғалаба қозонишини истайман,- дейди мураббий.

    » » Вальверде: “Месси ўзга сайёралик. У тўп билан бўлса, доим нимадир содир бўлади”