«Ювентус»дан «тарсаки еган» «Атлетико Мадрид» Ла Лигада ҳам ютқазиб қўйди (видео)

16 март, шанба куни футбол бўйича Испания чемпионатининг 28-тури доирасида куннинг сўнгги 2 та учрашуви бўлиб ўтди.

Европа Чемпионлар Лигаси 1/8 финалининг жавоб учрашувида «Ювентус»га мағлуб бўлган Диего Симеоне бошлиқ Мадриднинг «Атлетико» клуби «Атлетик Бильбао» майдонига сафар қилди.

Беллашувнинг 73-дақиқасида мезбон жамоа аъзоси Инаки Уильямс ҳисобни очган бўлса, 85-дақиқага келиб Кенан Кодро Ян Облак қўриқлаётган дарвозани ишғол қилди (2:0).
Шу тариқа мадридликлар меҳмонда кечган баҳсда «Атлетик Бильбао»га мағлуб бўлди ва 3 очкодан маҳрум бўлди.

Ла Лига
28-тур баҳслари
«Атлетик Бильбао»—«Атлетико Мадрид» 2:0
Голлар: 1:0 — 73 Уильямс, 2:0 — 85 Кодро
«Атлетик Бильбао»: Эррерин, де Маркос, Нунес, Алварес, Берчиче, Микел, Гарсия, Гомес (Лекуэ, 90), Рауль Гарсия (Кодро, 85), Муниаин (Кордоба, 71), Уильямс
«Атлетико Мадрид»: Облак, Хуанфран (Корреа, 80), Хименес, Годин, Нйигес, Гризманн, Томас, Эрнандес, Коке, Коста, Мората
Огоҳлантиришлар: Рауль Гарсия (37), Эрнандес (45), Микел (77), Алварес (82).
«Замин»ни Telegram’да ўқинг!