Москванинг «Локомотив» клуби ҳимоячиси Виталий Денисов Қозоннинг «Рубин» клубига ўтди.
Ўзбекистон миллий жамоасининг 32 ёшли футболчиси бу воқеага изоҳ берди.
«Бу янги қадам, янги чорлов. Ҳозирча таассуротларим билан ўртоқлаша олмайман, ҳали бир нарса дейишга эрта.
Умид қиламанки, янги жамоага тезроқ мослашиб кетаман. Футболчилар ва мураббийлар билан тил топишиб кетишга ҳаракат қиламан.
Рақобат – ҳар доим яхши. Ёшми, тажрибалими, бунинг аҳамияти йўқ. Кимнинг қайси нуқтада тўп тепишини бош мураббий ҳал қилади. Умид қиламанки, ўз тажрибам билан мураббийга ёрдам бераман ва жамоага фойда келтираман», - деди Денисов.
Виталий Денисов Тошкентда туғилган. «Пахтакор» клубида футбол билан шуғулланишни бошлаган. Кейинчалик ўқишни Москванинг «Академик» клубида давом эттирган. ЦСКА, «Спартак НН» ва «Днепр» клубларида ўйнаган. 2013 йилдан бери Москванинг «Локомотив» клуби шарафини ҳимоя қилган. У «темирйўлчилар» сафида жами 141 та ўйинда майдонга тушиб, 1 та гол урган ва 11 та голга ҳаммуаллифлик қилган. Ўтган мавсумни у «Крилья Советов» клубида ижарада ўтказган.
Ўзбекистон миллий жамоаси сафида 72 та ўйинда 1 та гол урган. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда зилзилага тайёргарлик кучайтирилади
«Реал Мадрид» устози Карло Анчелотти кечаги ғалабадан сўнг нималар деди?
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Зеленский: Россия Украинанинг иссиқлик энергетикасини деярли тўлиқ яксон қилди
Бизнес имкониятингизни кенгайтиринг
Тадбиркорларга қўлланадиган молиявий жарима камайтирилади
Қондаги шакар миқдорини тартибга солувчи фойдали мева номи айтилди