“Бавария” президенти: “Роналду биз учун қарилик қилади”

“Бавария” президенти Герберт Хайнер “Ювентус” форварди Криштиану Роналдунинг Мюнхен клуби билан шартнома тузиши мумкинлиги ҳақидаги хабарларга ўз муносбатини билдирди.
“Роналду? ОАВларда жамоамизга қўшилиши мумкин бўлган кўплаб футболчилар ҳақида хабарлар тарқатилмоқда ва бу тушунарли ҳолат. Аммо Криштиано бизнинг жамоа учун қарилик қилади”, дея Хайнернинг сўзларидан иқтибос келтирмоқда Football Italia.

Жорий мавсумда Роналду клуби сафида 27 та учрашувга майдонга тушиб, 22 та гол (3 та голли узатма) уришга эришди. 35 ёшли футболчининг туринликлар билан шартномаси 2022 йилнинг ёзида ниҳоясига етади. «Замин»ни Telegram’да ўқинг!