Суперлиганинг 3-туридан ўрин олган "Андижон" - "Навбаҳор" учрашувидан кейинги матбуот анжуманида мезбонлар бош мураббийи Александр Хомяков ўз фикрларини билдирди.
"Асабий ўйин бўлди. Бизда кўп нарса ўхшамади, балки босим таъсир қилгандир. Жуда ҳам ютишни истагандик. Йигитларда ҳаяжон сезилиб турди. Ўйин сўнггида биз ҳам, рақиб ҳам ажойиб имкониятларга эга бўлди. Учрашув ҳақида нимадир дейиш қийин. Кўплаб футболчилар бундай ўйинларда ўйнаш тажрибаси йўқ. Афсуски дуранг бўлди. Натижа барчасидан устун туради. Раҳбарият натижа талаб қилишини жуда яхши биламан. Вилоят ҳокими ва клуб президенти Шуҳрат Қўшоқбоевич натижа ҳамда ғалабаларни талаб қилишга ҳаққи бор.
Бугуноқ раҳбар билан учрашиб жамоадан кетаман. Натижа йўқ экан балки янги мураббий футболчиларни руҳлантириб юборар. Ўз ишимдан қониқмадим. Ҳозир нима десам ҳам баҳона бўлиб қолади. Кетма-кет учта ўйин ғалабасиз бўлди. Бугун жуда ҳам ёмон ўйнадик. Яна қайтараман ариза ёзиб бош мураббий лавозимини тарк этишга тайёрман, барчаси раҳбариятга боғлиқ. 3та турда 1 очко бу кам", - деди Хомяков.
- Мухлислар ва журналистлар сиз бош мураббий бўлишингизни хоҳлашади...
- Афсуски иш берувчилар бошқа одамлар ва барчаси уларга боғлиқ. Бугун раҳбарият билан гаплашиб олишга ва келажагимга ойдинлик киритишга умид қиламан. Бу ерга келганимда клубни тузишни бошқачароқ кўргандим. Ўтган мавсум сўнггида бошқа клублардан менда таклифлар бўлганди. Уларни рад қилгандим. Мен мураббийман, бошқа шароитларда ишлашни истайман. Натижадан қатъий назар клубдан кетишга тайёрман.
Бугун натижа зарур эди. Бундай ўйинларда камроқ хато қилган жамоа ютади. Ҳа биз биринчи турда "Локомотив" билан чиройли ўйин кўрсатгандик, аммо чиройли ўйинга очко беришмайди. Бугун эса натижа керак эди. Шу боис чиройли ўйин керак эмас деб уқтиргандим.
- Дастлабки учта турдаги рақиблар ҳам кучли эдику, "Локомотив", "Насаф" ва "Навбаҳор". Бу клублар ОЧЛ учун курашишмоқда.
- Тўғри, лекин раҳбариятга рақиб ким бўлишининг фарқи йўқ. Натижа йўқ, демак мураббий ҳам йўқ. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Дональд Трамп 27 ёшли Каролин Левиттни Оқ уй матбуот котиби этиб тайинламоқчи
АҚШ Исроилнинг икки вазирига санкция қўлламоқчи
Пашинян Арманистоннинг Мустақиллик декларацияни энг катта муаммо ва фожиа деб атади
АҚШ ҳарбийлари орасида ўз жонига қасд қилиш кўпайди
Буйрак саломатлиги учун энг фойдали сабзавот...
Организм ўзини токсинлардан қандай тозалайди?
Яхши пишган ва мазали анор танлашга ёрдам берадиган тавсиялар
Apple донгдор икки айфонини расман эскирган деб эълон қилди
