09:21 / 29.07.2020
1 189

Расман: Ҳабиб Нурмагомедов ва Жастин Гэтжи ўртасидаги жанг санаси маълум қилинди

Расман: Ҳабиб Нурмагомедов ва Жастин Гэтжи ўртасидаги жанг санаси маълум қилинди
Енгил вазн тоифасида UFC чемпиони Ҳабиб Нурмагомедов ва вақтинчалик чемпион Жастин Гэтжи ўртасидаги жанг 24 октябрь куни бўлиб ўтади. Бу ҳақда промоушен матбуот хизмати маълум қилди.

Ҳабиб ва Гэтжи ўртасидаги жанг UFC 254 мусобақасининг асосий воқеаси бўлади.
Расмий постерда жанг қаерда бўлиб ўтиши кўрсатилмаган. Аввалроқ UFC 254 Абу-Дабидаги «Жангчилар ороли»да ўтказилиши хабар қилинганди.

Мазкур жанг аввалига 19 сентябрь кунги UFC 253 мусобақасида бўлиб ўтиши режалаштирилганди. Бироқ россиялик яккакурашчининг отаси Абдулманап Нурмагомедовнинг ўлими сабаб беллашув қолдирилганди.

31 ёшли Гэтжи MMA’да 24 та жанг ўтказиб, уларнинг 22 тасида (20 муддатидан аввал) ғалаба қозонган ва икки бор мағлуб бўлган.
31 ёшли Нурмагомедов эса MMA’да жами 28 бор октагонга чиққан ва уларнинг барчасида ғолиб бўлган (18 та муддатидан аввал).
Жастин UFC 249 мусобақасида Тони Фергюсонни таслим этиб, енгил дивизионнинг вақтинчалик чемпионига айланганди.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)