Суперлиганинг 2020 йилги мавсуми рамзий терма жамоаси аниқланди

^{Фото: ПФЛ}
Ўзбекистон футбол ассоциацияси (ЎФА) ва Профессионал футбол лигаси (ПФЛ) 26 декабрь куни 2020 йилнинг энг яхшиларини тақдирлаш маросимини ўтказди.

Унда Суперлига 2020 йилги мавсуми рамзий терма жамоаси аниқланди. Рамзий терма жамоадан тўрт нафар «Пахтакор» вакили ўрин олган бўлса, «Насаф»нинг уч футболчиси топ-11 ликка кирди.

Суперлига—2020 рамзий терма жамоаси:
Дарвозабон: Абдувоҳид Неъматов («Насаф»);
Ҳимоячилар: Мурод Холмуҳаммедов («Қўқон-1912»), Егор Кримец, Фарруҳ Сайфиев (иккиси — «Пахтакор»);
Ярим ҳимоячилар: Марко Станоевич («Насаф»), Азиз Турғунбоев («Навбаҳор»), Жалолиддин Машарипов («Пахтакор»), Нурилло Тўхтасинов («Бунёдкор»), Мурод Тошматов (ОКМК), Драган Черан («Пахтакор»);
Ҳужумчи: Бобур Абдухолиқов («Насаф»). «Замин»ни Telegram’да ўқинг!