Испания сафарда Италияни мағлуб этиб, Миллатлар Лигаси финалигачиқди (видео)

Футбол бўйича Миллатлар Лигаси ярим финали доирасида Италия ва Испания терма жамоалари 6 октябрь, чоршанба куни ўзаро баҳс юритди.

Миланда ўтган ўйин 2:1 ҳисобида испанларнинг ғалабаси билан якунланди. 17-дақиқада Ферран Торрес чап қанотдан оширилган тўпни дарвозага жойлаб қўйди. 45+2-дақиқага келиб, «Манчестер Сити» вакили дублни расмийлаштирди. Қайд этиш керак, гол бўлишидан бир оз аввал Леонардо Бонуччи Серхио Бускетсга қарши қўполлик қилгани учун иккинчи сариқ карточкасини олиб, майдондан четлатилди.

Учрашувнинг асосий вақти якунланишига 7 дақиқа қолганида Лоренцо Пеллегрини Федерико Кьезанинг фаоллигидан кейин гол уриб, ҳисобни қисқартиришга муваффақ бўлди. Бироқ бу мағлубиятдан қутулиб қолиш учун етарли бўлмади.

Испания терма жамоаси финалда Бельгия ва Франция ўртасида 7 октябрь куни бўлиб ўтадиган иккинчи ярим финал учрашуви ғолиби билан финалда тўқнаш келади.

Қайд этиш ўринли, мазкур ўйинда Италия терма жамоасининг 37 ўйиндан иборат бўлган мағлубиятсиз сериясига нуқта қўйилди.

Миллатлар Лигаси
1/2 финал баҳси
Италия — Испания 2:1
Голлар: 0:1 – 17 Ферран Торрес, 0:2 – 45 Ферран Торрес, 1:2 – Пеллегрини.
Италия – Доннарумма, Эмерсон, ди Лоренцо, Бастони, Бонуччи, Бернардески (Кьеллини, 46), Жоржиньо (Пеллегрини, 64), Инсинье (Кин, 58), Верратти (Локателли, 58), Кьеза, Барелла (Калабрия, 72).
Испания – Унаи Симон, Алонсо, Лапорт, Аспиликуэта, Пау Торрес, Сарабия (Хил, 75), Коке (Мерино, 75), Ферран Торрес (Пино, 49), Бускетс, Ойарсабаль, Гави (Сержи Роберто, 83).
Огоҳлантиришлар: Бонуччи (30), Аспиликуэта (45), Сарабия (65), Пино (71), Локателли (81), Ойарсабаль (89).
Четлатиш: Бонуччи (42).

Қуйида ушбу учрашувнинг қисқача видеошарҳини томоша қилишингиз мумкин:
“Замин” янгиликларини “Facebook”да кузатиб боринг