Роналду курашаётган паллада Месси майдонда уялмай юрибди!

Нидерландия терма жамоаси собиқ футболчиси Рафаэль ван дер Варт ПСЖ юлдузи Лионель Мессини танқид қилди.
- Лионель Месси ғазабимни қўзитяпти. Бу ирода масаласи. Сен ёки футбол ўйнашни истайсан, ёки йўқ. Мессига талаблар катта. Агар у гол урмаса, ассист қилмаса, демак ёмон ўйнаган ҳисобланади.

Масалан, Криштиану Роналдуни олайлик. Бу иккиси бошқа-бошқа типдаги футболчи бўлсада, уларни солиштирамиз. Роналду доим курашади ва жамоасини янги босқичга кўтаришга тиришади. Месси бу паллада майдонда юрган бўлади. “Сен уялмайсанми?”, - дегим келади.

Мессидан хафа бўлиб кетаман. Бу Куман давридан бери давом этяпти. Машғулотлардан бош тортиш, Месси даражасидаги футболчига ярашмайди. Чунки бунақа футболчи бошқа туғилмайди, - деди Рафаэль ван дер Варт. “Замин” янгиликларини “Telegram”да кузатиб боринг