“Барса” катта трансферга қўл уради. Нишон Италиядаги юлдуз

“Барселона” раҳбарияти юқори савияли ўйинчиларни харид қилмай туриб, катта мақсадлар сари курашиб бўлмаслигини тушиниб етган кўринади.

Каталонияликлар қатор грандлар нишонида турган А Серия тўпурари Душан Влаховични олиб келишга қарор қилди. “Фиорентина” ҳужумчисининг амалдаги шартномаси 2023 йилнинг ёзигача давом этади.

Сербиялик футболчи бу келишувни узайтиришни истамади ва ёзда кучли клублардан бирига ўтишга ҳозирлик кўрмоқда.

“Барселона” нархи 80 миллион еврога баҳоланаётган тўпурарни январда харид қилмоқчи бўляпти. Каталонияликлар ёзга бориб унинг суммаси кўтарилиб кетишини билиб турибди.

Влахович жорий мавсумда 20 та учрашувда қатнашиб, рақиблар дарвозасини 16 марта ишғол қилди. “Замин” янгиликларини “Telegram”да кузатиб боринг