«Барселона» Каталония дербисида 90+6-дақиқадаги гол эвазига мағлубиятдан қутулиб қолди

Футбол бўйича Испания Ла Лигасининг 24-туридан ўрин олган бир қатор учрашувлар 13 февраль, якшанба куни бўлиб ўтди.

«Барселона» сафарда «Эспаньол»га қарши баҳс юритди. Учрашувнинг иккинчи дақиқасидаёқ Педри меҳмонларни олдинга олиб чиқди. Биринчи бўлим охирида Серхи Дардер жарима майдони ташқарисидан зарба йўллаб, ҳисобни тенглаштирди.

64-дақиқада Рауль де Томас майдон эгаларининг иккинчи голини урди. Ҳакам томонидан қўшиб берилган вақтнинг сўнгги дақиқаларида Люк де Йонг мувозанатни тиклашга эришди.

Хави шогирдлари ушбу натижадан кейин 39 очко билан 4-ўринни сақлаб қолди. «Эспаньол» (28) эса 13-поғонада қолди.

«Эспаньол» — «Барселона» 2:2
Голлар: 0:1 – 2 Педри, 1:1 – 40 Дардер, 2:1 – 64 де Томас, 2:2 – 90+6 Люк де Йонг.
«Эспаньол»: Диего Лопес, Кабрера, Серхи Гомес, Педроса, Вилена (Меламед, 61), Дардер, Баре (Морланес, 62; Мерида, 70), Эррера, Алеиш Видаль, Пуадо, де Томас.
«Барселона»: тер Штеген, Дест, Пике, Араухо (Эрик Гарсия, 46), Альба (Дембеле, 72), Бускетс, Френки де Йонг (Обамеянг, 62), Педри (Люк де Йонг, 88), де Йонг, Гави (Нико Гонсалес, 72), Траоре, Ферран Торрес.
Огоҳлантиришлар: Баре (23), Вильена (60), Пике (74), Пуадо (76), Эрик Гарсия (78), Нико Гонсалес (83), Меламед (90+1).
Четлатишлар: Меламед (90+2), Пике (90+2).

«Алавес» — «Валенсия» 2:1
Голлар: 1:0 – 14 Лум, 1:1 – 62, пенальти Гедеш, 2:1 – 76, пенальти Хоселу.

«Леванте» — «Бетис» 2:4
Голлар: 0:1 – 14 Фекир, 0:2 – 29 Эдгар Гонсалес, 0:3 – 42 Вильям Карвалью, 1:3 – 43 Дани Гомес, 2:3 – 47 Дани Гомес, 2:4 – 49 Фекир.

«Реал Сосьедад» — «Гранада» 2:0
Голлар: 1:0 – 37, пенальти Ойарсабаль, 2:0 – 74 Рафинья. “Замин” янгиликларини “Одноклассники”да кузатиб боринг