“Рома” А Сериянинг 29-турида ғалаба қозониб, асосий рақобатчиси “Аталанта”дан ўзиб кетиши кутилганди. Чунки бергамоликлар ўз ўйида “Женоа” билан дуранг ўйнаб қимматли очколарни бой берди.
Бироқ, “Удинезе” майдонида бўлган ўйинда Жозе Моуриньо шогирдлари сўнгги дақиқаларда Элдор Шомуродов сабаб ишлашган пенальти туфайлигина аламли мағлубиятдан қутилиб қолди – 1:1.
Италия футболини ёритиб келаётган calciomercato.com нашри мутахассислар ушбу баҳсда иштирок этган римлик футболчиларнинг ўйинига баҳо берди.
Руй Патрисио, 7 балл:
Португалиялик посбоннинг “Рома”ни очко қўлга киритишида хизмати катта бўлди. Ишончли ўйнаган Руй Патрисио ҳар икки бўлимда ҳам чиройли сейвлар намойиш қилиб, маҳорат кўрсата олди.
Жанлука Манчини, 6 балл:
“Рома” ҳимоясининг етакчиси ҳозир яхши формада эмас. Шунга қарамай, анча яхши ҳаракат қилди.
Крис Смоллинг, 6,5 балл:
Катта тажрибага эга бўлган англиялик ҳимоячи жуда фаол ўйнади. Смоллинг ҳаводаги курашларда бирор марта рақибга имкон қолдирмади.
Рожер Ибаньес, 5,5 балл:
“Удинезе” футболчиларини тўхтатишни ҳар доим ҳам уддалай олмади. Анча қийналишига тўҳри келди.
Рик Карсдорп, 6 балл:
Нисбатан яхши ўйнади ва 73-дақиқада ўз ўрнини Жордан Веретуга бўшатиб берди.
Сержиу Оливейра, 5,5 балл:
Биринчи бўлимда рақиб дарвозаси томон бир марта хавфли зарба йўллади. Ўртани ушлаб туришга ҳаракат қилди. Унинг ўйини Моуриньони қониқтирмади.
Стефан Эл-Шаарави, 5,5 балл:
Иккинчи бўлимда Сержиу Оливейранинг ўрнига тушган ҳужумкор футболчи “РОма” ўйинини ўзгартира олмади. Ҳаракатларида қатъият етишмади.
Брайан Кристанте, 5,5 балл:
Асосий вақтини “Удинезе”нинг ярим ҳимоячилари билан курашга қаратди.
Никола Залевски, 5 балл:
Ишончли оқлай олмади. Деулофеу, Перейра ва Молинага ҳеч қандай қаршилик кўрмата олмади. Анча қийналди.
Феликс Афена-Гьян, 6 балл:
65-дақиқада Залвески ўрнига майдонга тушиб, аниқ зарба беришга ҳаракат қилди. Фаол кўринди.
Лоренцо Пеллегрини, 6 балл:
Муҳим вазиятда пенальтидан тўп киритди. Аввалги даражасига кўтарила олгани йўқ.
Николо Дзаньоло, 5,5 балл:
Жисмоний жиҳатдан “Удинезе” ҳимоячилари билан рақобатлаша олмади. Анча ҳаракат қилганига қарамай, мақсадига етиша олмади.
Тэмми Абрахам, 5 балл:
Рақиб ҳимоячиси Пабло Мари англиялик юлдузга ўйин бермади. Тўпга жуда кам тегинди. 65-дақиқада ўрнини Элдор Шомуродовга бўшатиб берди. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Шавкат Мирзиёев: “Фаластинлик болалар ва аёлларни беғараз даволашга тайёрмиз”
АҚШ Исроилга пули тўланган бульдозерларни бермади
Россия Курск вилоятидаги ҳудудларини қайтариб олишга 50 минг ҳарбий тўплади
НАТО собиқ қўмондони: “Путин Украинанинг тахминан 20 фоизини қўлга киритади”
Трампнинг ўғли Зеленский яқин орада «нафақадан» маҳрум бўлишини ёзди
Украина ҚК бош қўмондони: “Фронтдаги вазият мураккаб ва кескинлашиши мумкин”
Фронтдаги вазият: Россия ҳарбийлари Курск областида қарши ҳужумга тайёрланмоқда
Иммунитетни кўтариш учун 6 та энг яхши витамин
