Huawei янги AI чип билан рақобатга тайёрланмоқда

Huawei сунъий интеллект соҳасида катта ўзгаришлар қилишга тайёргарлик кўрмоқда. Компания янги Ascend 910C чипини ишлаб чиқаришни кенгайтириб, Nvidia H100’га рақобатчи бўлишга интилаяпти, деб хабар бермоқда The Financial Times.

Маълумотларга кўра, Huawei ўз ишлаб чиқариш жараёнларини сезиларли даражада яхшилаган ва яроқли чиплар улушини 40% га етказган. Бу кўрсаткич бир йил аввал атиги 20% эди. Натижада компания оммавий ишлаб чиқаришни йўлга қўйишга ва яқин орада бозорга киришга тайёрланмоқда.

Huawei 2025-йил охиригача 910C чипидан 100 000 дона ишлаб чиқаришни режалаштирмоқда. Бу компаниянинг NVIDIA’нинг CUDA технологиясига қарши кураш олиб бориш стратегиясининг бир қисмидир. Шу билан бирга, Huawei ўзининг CANN дастурий таъминотини ишлаб чиқмоқда, бу эса Nvidia маҳсулотларига бевосита рақобатчи бўлиши мумкин.

Ҳозирда Huawei’нинг Ascend AI чиплари DeepSeek, Alibaba ва Baidu каби компаниялар томонидан асосан таҳлилий жараёнлар учун ишлатилаётган. Аммо Ascend 910C чиқиши билан Huawei маҳсулотларининг қўлланиш доирасини кенгайтириб, Nvidia’нинг Хитой бозоридаги улушидан ўзининг қисмини олиб қўйишга ҳаракат қилади. “Замин” янгиликларини “Telegram”да кузатиб боринг