Telegram Android ва iOS иловаларида замонавий ва қулай кириш усули — Passkey жорий этилди. Бу функция мессенжерга кириш жараёнини анча енгиллаштиради: энди парол териш, SMS кутинг ёки кодни сафарбар қилиш каби қийинчликлар бартараф этилади. Яъни, аккаунтга кириш учун фақат қурилманинг ўзидаги биометрик ҳимоя ёки парол етарли бўлади.
Passkey — бу телефоннинг ичида ёки ишончли парол менежерларида сақланадиган шахсий кириш калити ҳисобланади. У Google, Apple, Samsung, 1Password каби йирик экотизим дастурлари билан тўлиқ мос келади. Энг муҳим жиҳати — калит Telegram серверларига юборилмайди, уни илова ходимлари ҳам, учинчи шахслар ҳам кўра олмайди.
Янги механизм амалга оширилганда, мессенжер фойдаланувчини қурилманинг ўз хавфсизлик тизими орқали таниб олади:
юзни сканерлаш, бармоқ изи, Face ID, Touch ID ёки телефон пароли орқали. Бу нафақат ўта тез, балки аввалгисидан анча хавфсиз.
Passkey қўлланиши билан:
• паролни ёдлаш шарт бўлмайди;
• SMS кечикиши каби ноқулайликлар йўқолади;
• аккаунт хавфсизлиги бир неча баробар ошади;
• кириш бир неча сонияда амалга ошади.
Функцияни фаоллаштириш ҳам жуда осон: Telegram иловасига кириб, Созламалар → Махфийлик → Passkey бўлимига ўтиш кифоя. Шу ерда мавжуд калитларни бошқариш ёки янгисини қўшиш имконияти мавжуд.
Янгиланган имконият Google Play ва App Store’даги Telegram’нинг энг сўнгги версияларида аллақачон жорий қилинган. Мессенжернинг бу қадами фойдаланувчи хавфсизлиги ва қулайликни янада юқори поғонага олиб чиқмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
