Олимлар сунъий ой тупроғида илк бор нўхат ўстирди
Олимлар сунъий ой тупроғида нўхат ўстириш имкониятини муваффақиятли намойиш қилди. Техас университети тадқиқотчилари реголитга чувалчанг ўғити ва замбуруғлар қўшиш орқали 75 фоиз реголитдан нўхат ҳосили олишга эришди. Бу усул космонавтларга Ойда ўз озиқ-овқатларини етиштириш имконини бериши мумкин. Ҳозирда олимлар етиштирилган ҳосилнинг хавфсизлигини текширмоқда.
NASA 2030 йилларда Ойга космонавтларни юборишни режалаштирмоқда. Шу сабабли, космик станцияларда озиқ-овқат етиштириш масаласи муҳим аҳамият касб этади. Бу ҳақда Ixbt.com хабар беради.
Остиндаги Техас университети олимлари сунъий ой тупроғида нўхат ўстириш имкониятини намойиш қилди.
Ой тупроғи, яъни реголит ўсимликлар учун жуда ноқулай муҳит ҳисобланади. Унда органик моддалар йўқ ва заҳарли оғир металлар мавжуд.
Тадқиқотчилар бу муаммони ҳал қилиш учун тупроққа чувалчанг ўғити ва махсус замбуруғларни қўшди.
Тажрибалар шуни кўрсатдики, 75 фоизгача реголит бўлган аралашмада нўхат ҳосилини олиш мумкин. Замбуруғлар ўсимликларга озуқа моддаларини ўзлаштиришга ёрдам беради ва оғир металлар таъсирини камайтиради.
Ҳозирги вақтда олимлар етиштирилган ҳосилнинг хавфсизлигини ўрганмоқда. Агар натижалар ижобий бўлса, келажакда космонавтлар ой тупроғида ўз озиқ-овқатларини етиштириши мумкин бўлади.
Изоҳлар 0
…