Илон Маскка тегишли бўлган ва Grok сунъий интеллектини ривожлантираётган xAI компанияси ҳисоблаш қувватларини кенгайтиришда жиддий муаммога дуч келди. The Информатион нашрига кўра, компания Мемпҳис ва Cолоссус кластерларида 550 мингга яқин NVIDIA H100 ва H200 график тезлаткичларини ўрнатган. Бу ҳақда Ixbt.com хабар беради.
Бироқ, ушбу инфратузилманинг амалдаги юкланиши атиги 11 фоизни ташкил этмоқда.
Бу шуни англатадики, улкан тезлаткичлар паркидан фақат 60 мингта GPU эквиваленти самарали ишламоқда. Муаммо қурилмалар етишмовчилигида эмас, балки бундай улкан тизимни бошқариш қийинлигида.
Юз минглаб график процессорлар миқёсида маълумотларни узатиш ва синхронлаштириш босқичлари орасидаги узилишлар тез тўпланиб боради.
Манбага кўра, xAI дастурий ва тақсимланган архитектураси ҳали етарлича мукаммал эмас. Шу сабабли, GPU маълумотлар ёки вазифаларни кутиш учун жуда кўп вақт сарфлайди ва умумий самарадорлик пасаяди.
Таққослаш учун, Meta ва Google каби йирик компаниялар мос равишда 43 ва 46 фоизгача кўрсаткичларга эришмоқда. xAI эса юкланишни 50 фоизга етказишни мақсад қилган.
“Zamin”ни Telegram'да ўқинг!
