Сунъий интеллект моделларини баҳолаш билан шуғулланувчи Braintrust стартапи ўз мижозларига АПИ калитларини зудлик билан янгилашни тавсия қилди. Компания Amazon Веб Сервисес булутли хизматларидаги ҳисоб қайдномаларидан бирига рухсациз кириш ҳолати аниқланганини маълум қилди. Бу ҳақда Течкрунч.ком хабар беради.
Braintrust мижозларга юборган електрон хатида ушбу ҳисоб қайдномасида фойдаланувчиларнинг булутли AI моделларига уланиш учун ишлатиладиган махфий АПИ калитлари сақланганини тасдиқлади. Ҳозирча кенг кўламли маълумотлар сизиб чиқиши бўйича далиллар топилмаган бўлса-да, компания еҳтиёт чораси сифатида барча мижозлардан ўз калитларини алмаштиришни сўрамоқда.
Компания вакили Мартин Бергман ҳодиса назорат остига олинганини ва бузилган ҳисоб қайдномаси блоклангани, шунингдек, тизимлар бўйлаб кириш ҳуқуқлари чекланганини билдирди. Айни дамда хавфсизлик ҳодисасининг аниқ сабаблари бўйича суриштирув ишлари давом етмоқда.
Мутахассисларнинг фикрича, АПИ калитларининг ўғирланиши хакерларга компания тизимларига қонуний фойдаланувчи сифатида кириш имконини беради. Braintrust каби учинчи томон платформаларининг нишонга олиниши кўплаб корпоратив мижозлар учун жиддий хавф туғдириши мумкин.
“Zamin”ни Telegram'да ўқинг!
