Google компанияси Android операцион тизимида фойдаланувчиларнинг ижтимоий тармоқларга бўлган қарамлигини камайтиришга қаратилган Pause Point номли янги функцияни ишга туширди. Ушбу восита фойдаланувчини чалғитувчи иловаларни очганда 10 сониялик мажбурий танаффус қилишга ундайди. Бу ҳақда Ixbt.com хабар беради.
Дастурчиларнинг таъкидлашича, ушбу қисқа пауза фойдаланувчига "Мен бу ерга нима учун кирдим?" деган саволни бериш имконини беради. Танаффус вақтида тизим фойдаланувчини нафас олиш машқларини бажаришга ёки фойдалироқ машғулотлар ҳақида ўйлашга чорлайди.
Pause Point функцияси шунчаки чеклов эмас, балки рақамли фаровонликни ошириш воситасидир. Тизим фойдаланувчига ижтимоий тармоқлар ўрнига фитнес иловалари, аудио китоблар ёки электрон кутубхоналардан фойдаланишни тавсия қилиши мумкин.
Шунингдек, функция доирасида иловадан фойдаланишдан олдин махсус таймер ўрнатиш имконияти мавжуд. Ушбу таймерни ўчириб қўйиш оддий созламаларга қараганда қийинроқ, чунки у телефонни қайта ишга туширишни талаб қилади, бу эса фойдаланувчини ўз қарорини қайта кўриб чиқишга мажбур қилади.
“Zamin”ни Telegram'да ўқинг!
