АҚШ ҳукумати ўнта хитойлик компанияга сунъий интеллект технологиялари учун мўлжалланган, қуввати бўйича иккинчи ўринда турувчи NVIDIA Ҳ200 чипларини харид қилишга рухсат берди. Reuters агентлигининг хабар беришича, ҳозирча етказиб бериш жараёнлари бошланмаган. Бу ҳақда Ixbt.com хабар беради.
Рухсат берилган компаниялар рўйхатига Алибаба, Тенсент, БйтеДансе ва JD.com каби технология гигантлари, шунингдек, Lenovo ва Фохконн каби йирик дистрибюторлар киритилган. Ҳар бир компания лицензия доирасида 75 мингтагача чип сотиб олиши мумкин, бироқ якуний натижа регуляторларнинг кейинги қарорлари ва логистикага боғлиқ.
NVIDIA бош директори Женсен Ҳуанг АҚШ президенти Доналд Трумп бошчилигидаги делегация таркибида Хитойга ташриф буюрди. Манбаларга кўра, унинг ушбу сафардаги асосий мақсади Ҳ200 чипларини етказиб бериш бўйича музокараларни жонлантириш ва экспорт чекловлари туфайли юзага келган тарангликни юmsҳатишдан иборат.
Женсен Ҳуанг делегация таркибига сўнгги дақиқаларда киритилгани унинг ушбу битимга қанчалик катта аҳамият бераётганини кўрсатади. Ҳозирча томонлар етказиб бериш муддатлари ва техник тафсилотлар юзасидан аниқ келишувга эришгани ҳақида расмий баёнот берилмади.
“Zamin”ни Telegram'да ўқинг!
