Samsung Galaxy А55 ва Galaxy A54 учун янги хавфсизлик янгиланиши чиқди

Samsung компанияси ўзининг ўрта сегментдаги машҳур моделлари — Galaxy А55 ва Galaxy A54 смартфонлари учун май ойи хавфсизлик янгиланишини тақдим этди. Ушбу янгиланиш тизимдаги 36 та турли хил заифликларни бартараф этишга қаратилган. Бу ҳақда Ixbt.com хабар беради.

Galaxy А55 учун мўлжалланган янгиланиш ҳозирда Европа ҳудудида тарқатилмоқда ва у А556БХХSEКЗДE прошивка рақамига эга. Galaxy A54 учун эса янги патч халқаро версиялар, хусусан, Осиё ва Яқин Шарқ мамлакатлари, жумладан, Ҳиндистон ва Саудия Арабистони фойдаланувчилари учун чиқарилди. Ушбу версиянинг ҳажми 286,79 МБ ни ташкил этади.

Одатда Samsung ўзининг янги ва қимматбаҳо флагман моделларига устунлик беради, бироқ бу сафар компания Galaxy А туркумидаги қурилмаларни ҳам тезкорлик билан янгилашга муваффақ бўлди. Бошқа минтақалардаги фойдаланувчилар ушбу янгиланишни яқин ҳафталар ичида қабул қилиб олишлари кутилмоқда.

Келажакда Galaxy А55 ва Galaxy A54 эгаларини йирик янгиланишлар кутмоқда. Қурилмалар босқичма-босқич One UI 8.5 ҳамда Android 17 базасидаги One UI 9.0 интерфейсига янгиланиши режалаштирилган.

Abror Shuhratov

«ZAMIN.UZ» муҳаррири

+ Zamin.uz сайтини Googleга қўшинг