Xiaomi компанияси ўзининг янги Mijia Рефригератор Френч 400Л Аутоматик Исе Макер музлатгичига олдиндан буюртмалар қабул қилишни бошлади. Хитой бозорида қурилманинг бошланғич нархи 2999 юан этиб белгиланган, бироқ давлат субсидиялари ҳисобига уни 2549 юан (тахминан 370 доллар) эвазига харид қилиш мумкин. Бу ҳақда Ixbt.com хабар беради.
Ушбу моделнинг асосий ўзига хослиги — автоматик муз тайёрлаш тизими бўлиб, у атиги 60 дақиқа ичида муз бўлакларини ҳосил қила олади. Шунингдек, музлатгич 99,9 фоиздан юқори антибактериал самарадорликка эга ва бутун майдон бўйлаб ионлаш технологиясини қўллаб-қувватлайди.
Қурилма Xiaomi Сурге Смарт Коннективитй технологияси билан жиҳозланган ва компрессор учун 10 йиллик кафолат тақдим этилади. Ишлаш вақтида шовқин даражаси атиги 35 десибелни ташкил этади, бу эса уни жуда шовқинсиз қурилмага айлантиради.
Музлатгичнинг умумий ҳажми 400 литрни ташкил қилади: шундан 216 литри музлатгич камераси, 134 литри музлаткич ва 50 литри ҳарорати созланадиган алоҳида камерага тўғри келади. Ихчам ўлчамлари туфайли у атиги 0,4 квадрат метр майдонни эгаллайди.
“Zamin”ни Telegram'да ўқинг!
