Москвадаги «Музейлар кечаси» акцияси доирасида Honor 600 серияли смартфонлар ҳамда янгиланган «Фото в видео 2.0» функцияси намойиш этилди. Ташриф буюрувчилар махсус демо-зоналарда қурилмаларнинг имкониятларини яқиндан синаб кўриш имконига эга бўлишди. Бу ҳақда Ixbt.com хабар беради.
Янги функция сунъий интеллект ёрдамида фотосуратлардан қисқа видеолавҳалар яратишга имкон беради. Фойдаланувчилар учтагача асосий суратни танлаб, турли шаблонлар ва сценарийларни қўллаши, шунингдек, натижани яхшилаш учун матнли кўрсатмалардан фойдаланиши мумкин.
Honor 600 смартфонлари сунъий интеллект алгоритмлари ва тунги суратга олиш учун стабилизация билан жиҳозланган 200 MP ли камера билан таъминланган. Асосий модел 6,57 дюймли АМОЛEД экран, 120 Hz янгиланиш тезлиги ва Snapdragon 7 Ген 4 процессори асосида ишлайди. Батарея қуввати эса 6400 мАс дан 7000 мАс гача етади ва 80 В ли тезкор қувватлашни қўллаб-қувватлайди.
Honor 600 Pro модели эса янада кучлироқ Qualcomm Snapdragon 8 Элите чипи билан жиҳозланган. Унинг асосий камераси 3,5 карра оптик зумга эга 50 MP ли қўшимча модул билан бойитилган. Янги смартфонлар серияси Россия бозорида 2026-йил 28-майдан сотувга чиқиши кутилмоқда.
“Zamin”ни Telegram'да ўқинг!
