Томъс Ҳардваре нашри мутахассислари Microsoft компаниясининг Адвансед Шадер Деливерй (АСД) технологиясини синовдан ўтказишди. Ушбу янгилик шейдерларни олдиндан компиляция қилиш орқали ўйинларнинг юкланиш вақтини сезиларли даражада қисқартиришга хизмат қилади. Дастлабки натижалар шуни кўрсатдики, АСД ёрдамида ўйинлар бир неча баравар, айрим ҳолларда эса 10-20 бараваргача тезроқ ишга тушиши мумкин. Бу ҳақда Ixbt.com хабар беради.
Ҳозирча ушбу технология тест режимида ишламоқда ва фақат РДНА 3 архитектурасидан эски бўлмаган AMD Radeon видеокарталарини қўллаб-қувватлайди. Шунингдек, у фақат Хбох дўконидан юклаб олинган чекланган миқдордаги ўйинлар билан ишлайди. Синовлар Radeon RX 9070 ХТ видеокартаси ўрнатилган тизимда олтита ўйин мисолида ўтказилди.
Текширилган ўйинларнинг иккитасида шейдерлар компиляцияси кузатилмади ва юкланиш вақти ўзгармади. Бироқ қолган тўртта ўйинда юкланиш вақти 56 фоиздан 96 фоизгача қисқарди. Масалан, Форза Ҳоризон 6 ўйини аввалги 48 сония ўрнига атиги 2 сонияда юкланди, бу эса 24 баравар тезроқ деганидир.
АСД технологияси нафақат юкланиш тезлигига, балки ўйин жараёнининг барқарорлигига ҳам ижобий таъсир кўрсатади. Ўртача унумдорлик бироз ошган бўлса-да, 1% Лов кўрсаткичи сезиларли даражада яхшиланди. Хусусан, Форза Ҳоризон 6 да бу кўрсаткич 54 ФПС дан 72 ФПС гача кўтарилди. Бу эса ўйин давомидаги кутилмаган қотишларнинг камайишини англатади.
Хулоса ўрнида айтиш мумкинки, Microsoft АСД технологияси геймерлар вақтини тежашда жуда самарали эканини исботлади. Эндиликда ушбу функциянинг кенг оммага тақдим этилиши кутилмоқда. Таъкидлаш жоизки, Intel компанияси ҳам ўзининг Грапҳикс Шадер Дистрибутион Сервисе каби шунга ўхшаш ечимларини ишлаб чиқмоқда.
“Zamin”ни Telegram'да ўқинг!
