OpenAI бош директори Sam Altman сунъий интеллектнинг жадал ривожланиши ва жорий этилиши глобал миқёсда иш ўринларининг оммавий йўқолишига сабаб бўлмаслигини таъкидлади. Унинг сўзларига кўра, ушбу технология офис ходимлари учун у қўрққан даражада салбий оқибатларни келтириб чиқармади. Бу ҳақда Ixbt.com хабар беради.
Сиднейда бўлиб ўтган Коммонвеалт Банк оф Аустралиа (КБА) конференциясида сўзга чиққан Алтман, дастлаб сунъий интеллектнинг бандлик даражасига таъсиридан хавотирда бўлганини тан олди. У 2022-йилда ChatGPT ишга туширилган пайтда OpenAI раҳбарияти технологик прогнозлар борасида ҳақ бўлганини, бироқ ижтимоий ва иқтисодий оқибатлар масаласида адашганини айтди.
“Адашганимдан хурсандман. Мен ҳозирги вақтга келиб бошланғич даражадаги мутахассислар учун иш ўринлари қисқариши ҳақиқатда содир бўлганидан кўра кўпроқ таъсир кўрсатади деб ўйлагандим. Энди мен нима учун бундай бўлмаганини яхшироқ тушунгандекман ва бундан миннатдорман”, — деди Sam Altman.
OpenAI — сунъий интеллект соҳасидаги етакчи Америка илмий-тадқиқот компанияси бўлиб, у машҳур ChatGPT чат-ботини яратган. Компания ГПТ моделлар оиласи, DALL-E тасвирлар генератори ва Sora видео-генератори каби илғор нейротармоқларни ишлаб чиқиш билан шуғулланади.
“Zamin”ни Telegram'да ўқинг!
