AliExpress МДҲ жамоаси 2026-йилнинг биринчи чораги якунлари бўйича электрон китоблар тоифасидаги савдоларни таҳлил қилиб, энг кўп сотилган моделлар рейтингини эълон қилди. Мутахассисларнинг таъкидлашича, рақамли китоблар бозорининг умумий ўсиши фонида ушбу қурилмаларга бўлган қизиқиш сезиларли даражада ортган. Бу ҳақда Ixbt.com хабар беради.
Таҳлилларга кўра, харидорлар асосан Хитой брендлари томонидан ишлаб чиқарилган, катта экранли ва очиқ Android тизимида ишлайдиган моделларни афзал кўришмоқда. Бундай қурилмалар кўпинча маҳаллий бозорларда расмий равишда тақдим этилмагани сабабли, фойдаланувчилар уларни бевосита AliExpress орқали буюртма қилишни маъқул кўришмоқда.
Савдолар бўйича мутлақ етакчи сифатида 10,3 дюймли Хтеинк Х4 ридери қайд этилди. Ушбу модел ўзининг энг яқин рақибларидан бир неча баробар кўпроқ сотилган. Қурилма э-инк Карта технологиясига асосланган бўлиб, стилус ёрдамида қўлда ёзиш функциясини қўллаб-қувватлайди.
Хтеинк Х4 моделининг муваффақияти унинг Android операцион тизимида ишлаши ва учинчи томон иловаларини ўрнатиш имконияти билан изоҳланади. Бу эса фойдаланувчиларга турли хил китоб дўконлари ва ўқиш дастурларидан чекловсиз фойдаланиш имконини беради.
“Zamin”ни Telegram'да ўқинг!
