GeForce RTX 5090 сотиб олганга 1 грамм олтин совға қилинади

Гигабйте компанияси ўзининг ноодатий дизайнга эга Аорус GeForce RTX 5090 Инфинитй видеокартасини сотувга чиқарди. Тайванда ушбу қурилма учун 5250 доллар миқдорида нарх белгиланган бўлиб, харидорларни кутилмаган бонус кутмоқда. Бу ҳақда Ixbt.com хабар беради.

Маҳаллий бозорда Гигабйте компанияси 25-майдан 7-июнга қадар давом этадиган махсус акцияни йўлга қўйди. Ушбу давр мобайнида видеокартани харид қилган фойдаланувчиларга 999-пробали 1 грамм соф олтин совға қилинади. Совғани олиш учун харид чекини тақдим этиш кифоя.

Компания вакилларининг таъкидлашича, олтин қуйилмаси ўрнатилган махсус тагликлар сони чекланган ва акция захира тугагунча давом этади. Ҳозирги вақтда 1 грамм олтиннинг баҳоси тахминан 80 долларни ташкил этади. 5250 долларлик видеокарта фонида бу рамзий совға бўлса-да, у коллекционерлар эътиборини тортиши аниқ.

Мазкур эксклюзив модел Гигабйте компаниясининг 40 йиллик юбилейига бағишлаб чиқарилган. Шуни таъкидлаш жоизки, Аорус GeForce RTX 5090 Инфинитй модели Асус Матрих ёки МСИ Lightнинг каби экстремал оверклоккинг (тезлаштириш) учун мўлжалланмаган, балки кўпроқ премиум дизайн ва нуфузга урғу беради.

Abror Shuhratov

«ZAMIN.UZ» муҳаррири

+ Zamin.uz сайтини Googleга қўшинг