Xiaomi 15 долларлик янги электр бурагични тақдим этди

Xiaomi компанияси Хитойда ўзининг янги асбобини — Xiaomi Mijia Электрик Страигҳт Ҳандле Скревдривер электр бурагичини намойиш қилди. Қурилма тахминан 99 юан (тахминан 15 доллар) нархида сотувга чиқиши кутилмоқда. Бу ҳақда Ixbt.com хабар беради.

Ушбу модел 2000 мА·соат сиғимли аккумулятор билан жиҳозланган бўлиб, тез-тез қувватлантирмасдан узоқ вақт ишлашга мўлжалланган. Компаниянинг таъкидлашича, тўлиқ қувват 600 тагача винтни бурашга етади, қувватлантириш эса универсал USB-C порти орқали амалга оширилади.

Электр бурагич бир нечта айлантириш моменти даражаларини қўллаб-қувватлайди: электр режимида 4 Н·м гача ва қўлда ишлатилганда 8 Н·м гача. Конструкцияда металл планетар редуктор қўлланилган бўлиб, у иш барқарорлигини оширади ва тиқилиб қолиш хавфини камайтиради.

Тўплам таркибига 18 та насадка, қоронғида ишлаш учун ўрнатилган ёритгич ва маҳкамлагичларни ўрнатишни осонлаштирувчи магнитли ушлагич киради. Барча элементлар сақлаш ва ташиш учун мўлжалланган ихчам, зарбга чидамли кейсга жойлаштирилган.

Abror Shuhratov

«ZAMIN.UZ» муҳаррири

+ Zamin.uz сайтини Googleга қўшинг