АҚШнинг хотира чиплари ишлаб чиқарувчи Микрон Течнологй компанияси тарихий натижани қайд этди: унинг бозор капиталлашуви илк бор 1 триллион доллар даражасидан юқорига кўтарилди. Фонд бозоридаги шиддатли ралли натижасида компания акциялари бир савдо кунининг ўзида 19 фоизга қимматлашди. Бу 2011-йилдан буён қайд этилган энг юқори кунлик ўсиш кўрсаткичидир. Бу ҳақда Ixbt.com хабар беради.
Инвесторлар ўртасидаги бундай оптимизмга UBS Груп АГ таҳлилий ҳисоботи туртки бўлди. Экспертларнинг таъкидлашича, Микрон акциялари улкан салоҳиятга эга ва яқин бир йил ичида ўз қийматини икки бараварга ошириши мумкин. Компаниянинг бундай ўсиши бутун яримўтказгичлар саноатининг узоқ муддатли қайта баҳоланишини акс эттирмоқда.
2025-йилнинг тўртинчи чораги якунларига кўра, Микрон жаҳон ҲБМ (юқори ўтказувчанликка эга хотира) бозорининг 21 фоизини (тушум бўйича) назорат қилмоқда. Компания ҳозирда сунъий интеллект инфратузилмасини глобал миқёсда кенгайтириш марказида турибди. Янги авлод хотира чиплари маълумотлар марказларини (дата-сентерс) ривожлантириш учун ўта муҳим компонент ҳисобланади.
Таҳлилчиларнинг прогнозларига кўра, жаҳон бозорида бундай чипларнинг тақчиллиги 2027-йилгача давом этиши кутилмоқда. Мавжуд вазият Микрон компаниясига сайёрамизнинг энг йирик технологик корпорацияларига ўз нарх шартларини диктовка қилиш имконини беради.
“Zamin”ни Telegram'да ўқинг!
