Микрон Течнологй компанияси ўз тарихида илк бор 1 триллион долларлик бозор капиталлашуви маррасини забт этди. Бу кўрсаткичга сунъий интеллект (AI) инфратузилмаси билан боғлиқ компанияларга бўлган инвесторлар қизиқишининг кескин ортиши фонида эришилди. Бу ҳақда Ixbt.com хабар беради.
Биржа савдолари давомида Микрон акциялари қарийб 18 фоизга кўтарилиб, 886,6 доллар даражасига етди. Натижада хотира чиплари ишлаб чиқарувчиси капиталлашуви триллион доллардан ошган технологик гигантлар қаторига қўшилди.
Микрон сунъий интеллект саноати жадал ривожланишининг асосий бенефициарларидан бири ҳисобланади. Замонавий AI тизимлари, маълумотлар марказлари ва ҳисоблаш тезлаткичлари ишлаши учун жуда катта ҳажмдаги юқори тезликка эга хотира қурилмаларини талаб қилади.
Серверлар, AI-тезлаткичлар ва булутли инфратузилмалар учун хотира чипларига бўлган талабнинг ўсиши компаниянинг молиявий кўрсаткичларини ва бозорнинг унга бўлган ишончини қўллаб-қувватлашда давом этмоқда.
Микрон Течнологй — яримўтказгичлар ҳамда ДRAM ва НАНД хотира чиплари ишлаб чиқариш бўйича дунёдаги энг йирик Америка корпорацияларидан бири ҳисобланади.
“Zamin”ни Telegram'да ўқинг!
