АҚШ Федерал авиация бошқармаси (ФАА) Starship В3 ракетасининг парвозларини расман тўхтатди. Ушбу қарор ракетанинг дебют парвозидан беш кун ўтиб қабул қилинди. Регулятор 22-май куни амалга оширилган стартни “инсидент” деб таснифлади ва ҳодиса юзасидан синчковлик билан текширув ўтказишни талаб қилди. Бу ҳақда Ixbt.com хабар беради.
ФАА баёнотига кўра, Starship-Super Heavy мажмуасининг парвозлари фақатгина барча тизим ва жараёнлар жамоат хавфсизлигига таҳдид солмаслиги тасдиқланганидан кейин тикланиши мумкин. Гарчи регулятор парвозни тўхтатган бўлса-да, Starship дастури доирасидаги 12-суборбитал парвоз кўп жиҳатдан муваффақиятли деб топилди.
Парвоз давомида Шип кемаси илк бор коинотга 20 та Starlink сунъий йўлдоши макетини ва иссиқликдан ҳимоя экрани ҳолатини кузатиш учун махсус камералар билан жиҳозланган иккита реал аппаратни олиб чиқди. Шунингдек, юқори босқич атмосферанинг зич қатламларига киришдаги экстремал юкламаларга бардош бериб, Ҳинд океанига юmsҳоқ қўнишни амалга оширди.
Асосий муаммо биринчи босқич — Super Heavy тезлатгичи билан боғлиқ ҳолда юзага келди. Гигант тезлатгич Мексика қўлтиғига назорат остида юmsҳоқ қўниши керак эди, бироқ тормозланиш учун двигателларнинг якуний ишга тушиши кутилганидек амалга ошмади. Натижада босқич сувга қаттиқ зарба билан тушди, бу эса авиация ҳукуматининг аралашувига сабаб бўлди.
Белгиланган регламентга мувофиқ, SpaceX компанияси авария сабабларини аниқлаш бўйича ички суриштирув ўтказади. Бутун жараён ФАА мутахассислари назорати остида кечади ва улар якуний ҳисобот ҳамда тузатиш чораларини тасдиқлаши лозим. Ҳозирча текширувнинг аниқ муддатлари маълум қилинмаган.
“Zamin”ни Telegram'да ўқинг!
