Xiaomi компанияси глобал бозорда ўзининг янги Xiaomi 17Т ва Xiaomi 17Т Pro смартфонлари ҳамда Смарт Банд 10 Pro билагузуги билан бир қаторда Xiaomi Ватч С5 ақлли соатларини ҳам намойиш этди. Ушбу модел 1,48 дюймли АМОЛEД экранга эга бўлиб, унинг энг юқори ёрқинлиги 2500 нитни ташкил этади. Бу эса ҳатто қуёшли об-ҳавода ҳам маълумотларни бемалол ўқиш имконини беради. Бу ҳақда Ixbt.com хабар беради.
Соат корпуси зангламас пўлатдан ишланган ва 5АТМ сувдан ҳимоя даражасига эга. Қурилма 815 мА/соат сиғимли аккумулятор билан жиҳозланган бўлиб, Xiaomi маълумотларига кўра, у бир марта қувватлангач 21 кунгача хизмат қилиши мумкин. Аниқ жойлашувни аниқлаш учун бешта сунъий йўлдош тизимини қўллаб-қувватловчи янгиланган икки диапазонли ГНСС тизими ўрнатилган.
Xiaomi Ватч С5 саломатликни кузатиш учун кенг имкониятларни тақдим этади: унда юрак уриш тезлиги (ЧСС) ва қондаги кислород миқдорини (СпО2) ўлчаш датчиклари, шунингдек, уйқу ва стресс мониторинги мавжуд. Қурилма HyperOS 3 операцион тизимида ишлайди ва барометр билан жиҳозланган.
Қурилманинг қалинлиги бор-йўғи 10,99 мм бўлиб, у Bluetooth 5.4 ва NFC технологияларини қўллаб-қувватлайди. Xiaomi Ватч С5 тўрт хил рангда таклиф этилмоқда: қора ва кумушранг версиялари 180 евро, кўк ва яшил рангли моделлари эса 200 евро нархида сотувга чиқди.
“Zamin”ни Telegram'да ўқинг!
