«Россия темир йўллари» (РЖД) юқори тезликдаги магистраллар (ВСМ) учун мўлжалланган йўлнинг юқори қисмини синовдан ўтказишни бошлади. Бу ҳақда компаниянинг расмий Telegram-каналида хабар берилди. Коломнадаги ВНИКТИ синов марказида балластсиз конструкциянинг тажриба намунаси йиғилди. Бу ҳақда Ixbt.com хабар беради.
Ушбу лойиҳада рельслар ва пойдевор плитаси ўз-ўзидан зичлашувчи бетон ёрдамида бирлаштирилиб, ер қатламига тақлид қилувчи махсус матлар устига ётқизилган. Ҳозирда бутун конструкция ресурс стендига ўрнатилган бўлиб, синовлар жадаллаштирилган режимда олиб борилмоқда.
Қурилмага 8 та пульсатор таъсир кўрсатмоқда: уларнинг 4 таси горизонтал ва 4 таси вертикал текисликда жойлашган бўлиб, 75 тонналик ўқ юкламасини ҳосил қилади. Бу кўрсаткич бўлажак юқори тезликдаги поездларнинг кутилаётган таъсиридан анча юқоридир. Maxсус тензодатчиклар эса конструкция элементларининг мустаҳкамлигини текшириб, ҳар қандай деформацияни қайд этиб бормоқда.
РЖД мутахассисларининг таъкидлашича, ушбу «вақт машинаси» бир ой ичида 9 миллион марта юкланиш сиклига бардош бериши керак. Бу эса магистралнинг 50 йиллик узлуксиз эксплуатация қилинишига тенг келадиган муддатдир. Мазкур технология келажакда поездларнинг хавфсиз ва юқори тезликда ҳаракатланишини таъминлайди.
“Zamin”ни Telegram'да ўқинг!
