Xiaomi янги Mijia Шовер Ҳеад душ тўпламини тақдим этди

Xiaomi компанияси ўзининг янги Mijia Шовер Ҳеад душ тўплами сотувга чиқишини эълон қилди. Янги қурилма 30-майдан бошлаб Хитой бозорида сотила бошлайди. Маҳсулотнинг тавсия этилган нархи 1099 юан (тахминан 160 доллар) бўлса-да, дастлабки харидорлар учун у 999 юан (150 доллар) нархида таклиф этилади. Бу ҳақда Ixbt.com хабар беради.

Душ тўплами кенглиги 370 мм бўлган катта сақлаш токчаси ва 305 мм ўлчамдаги квадрат шаклидаги юқори душ боши билан жиҳозланган. Қурилманинг асосий хусусиятларидан бири ҳароратни силлиқ ва аниқ созлаш имконияти мавжудлигидир. Конструкцияда Ҳ59 маркали антибактериал латун ишлатилган, олд панел эса чидамли тобланган шишадан ишланган.

Бошқарув учун алоҳида тугмали ўтказгич кўзда тутилган бўлиб, у сув узатишни турли секциялар бўйича ёқиш ва созлаш имконини беради. Mijia Шовер Ҳеад 4 хил сув пуркаш режимини қўллаб-қувватлайди ва “бир тугма — бир функция” схемаси асосида ишлайди. Шунингдек, тизим бир вақтнинг ўзида бир нечта каналлар орқали сув узатиш функциясига ҳам эга.

Abror Shuhratov

«ZAMIN.UZ» муҳаррири

+ Zamin.uz сайтини Googleга қўшинг