18:38 / 15.12.2018
2 778

Facebook’га миллиард долларлик жарима таҳдид соляпти

Facebook’га миллиард долларлик жарима таҳдид соляпти
Facebook фойдаланувчилар маълумотларининг махфийлиги бузганлиги сабабли миллиард долларлик жаримага тортилиши мумкин. Бу ҳақда CNN'га таяниб Кун хабар берди.

Таъкидланишича, Европа қонунчилигига риоя этилишини кузатувчи Ирландиянинг маълумотлар ҳимояси бўйича комиссияси компанияга нисбатан суриштирув ишларини бошлади.

Европада амалда бўлган, маълумотларни ҳимоя қилиш тўғрисидаги Умумий регламентга кўра, қоидабузар компания 23 млн долларгача ёки йиллик даромаддан 4 фоиз бўлган миқдорда жарима тўлайди: қайси пул кўплигига қараб.

Қайд этилишича, Facebook’нинг 2017 йилдаги даромади тахминан 40 миллиард долларни ташкил қилган. Шу тариқа, компания агар 2018 йилда даромад шу даражада қолса, 1,6 миллиард доллар миқдорида жарима тўлаши мумкин.

Эслатиб ўтамиз, аввалроқ Австралия Google ва Facebook фаолиятидан ташвишга тушиб қолганди.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Технология » Facebook’га миллиард долларлик жарима таҳдид соляпти