Американинг Apple ширкати бутунлай ойна билан қопланган қурилмага патент олди. Бу сафар компания муҳандислари смартфонни тўлиқ ойна билан қоплашни таклиф қилди.
Кўринишидан у бир парча шишага ҳам ўхшаб кетади, лекин аслида бу гаджет бир нечта қисмларнинг бирлашмаси бўлиши ҳам мумкин.
Патент ҳужжатларидаги расмларга қараганда, ушбу iPhoneʼда на бирор тугмача, на бирор порт кўзга ташланмайди. Унинг корпуси яхлит экрандан иборат – ҳам олд ва орқа панелларни, ҳам ён қирраларни шу дисплей қоплаб олган. Apple бундай қурилма учун ўз операцион тизимининг янгича версиясини ҳам тайёрлаяпти.
“Асосий интерфейс гаджетнинг олд юзасига чиқарилади, лекин шу билан бирга ён қирралар ва орқа томони ҳам қўлланиши мумкин. Шунинг эвазига фойдаланувчи экрандаги белгичаларни ёнга суриб варақлаганида, улар қўшни юзаларга ўтиб кетади. Интерфейснинг ўзи қурилманинг атрофини ҳалқадек ўраб олиб, ёпиқ айлана ҳосил қилади”, – дейилади патент ҳужжатларида.
Смартфоннинг олд ва орқа панеллари бўлмагани учун, фойдаланувчи уни қайси томонидан ушлаб турганини гаджет ўзи аниқлайди ва керакли юзага бош саҳифани чиқаради.
"Шиша қопламали электрон мослама" учун патент "визуал ва муаммосиз кўриниши" мумкин бўлган ойнага ишлов беришни таъминлайди.
Бундай қурилманинг дизайни ён ва орқа томонларда қўшимча экранлар бўлишини талаб қилади. Яъни Apple ҳамма томони шишали айфонни эмас, балки исталган тарафидан тегиниб ишлатса бўладиган сенсорли iPhone бўлади.
Бироқ мазкур iPhoneʼнинг қачон тақдим этилиши ҳақида гап-сўз йўқ; эҳтимол, у амалга оширилмаган лойиҳа сифатида, шунчаки патент ҳужжатларида қолиб ҳам кетар. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Руслар Abrams танкларининг заиф томонини топишди
“Толибон” Афғонистоннинг Хост вилоятида беш нафар фуқарони қамчи билан жазолади
Учар автомобил йўловчи билан биринчи парвозини амалга оширди (видео)
Зоир Мирзаев “Телефонсиз мактаб”га 300 млн сўм мукофот берди
Хитой АҚШни «қизил чизиқлар»ни кесиб ўтишдан огоҳлантирди ва «душман эмас, ҳамкор» бўлишга чақирди
Испания ва Греция Киевга Patriot тизимларини етказиб беришдан бош тортди
Велосипедда сайр қилиш учун 3 сабаб: ёшартиради, оздиради ва умрни узайтиради
Мария Захарова украиналикларни Америка ҳиндуларига ўхшатди