Мавсумий аллергия: баҳорда ушбу муаммо билан қандай курашиш керак?

^{Фото: «Домашний очаг»}
Баъзи инсонлар баҳорда ҳамма нарса гуллаши ва ифор таратишини мутлақо ёқтирмайди. Афсуски, буларнинг барчаси аллергия туфайли. Бироқ ўзингизни қийнаш шарт эмас, балки муаммодан халос бўлишга ҳаракат қилиш лозим. «Домашний очаг» нашри муаммони бартараф этиш чоралари билан бўлишди.

Мавсумий аллергиянинг сабаби нима ва уни қандай қилиб тўғри даволаш бўйича тиббиёт фанлари доктори, аллергист-иммунолог, НКCC Аллергология ва иммунология бош шифокори Юрий Соломонович Смолкин ўз тавсияларини бериб ўтди.

Юқумли эмас: нима учун аллергия пайдо бўлади?

Оғизнинг қуриши, бурун битиши, кўзлар ёшланиши, аксириш: баҳорги аллергиянинг бу аломатлари шамоллашга ўхшайди, шунинг учун касаллик кўпинча адаштирилади, гарчи улар бутунлай бошқа сабаблар туфайли пайдо бўлса ҳам. Юқумли касалликларга вируслар ва микроблар сабаб бўлади, аллергия эса иммунитет тизимининг бузилишидир. У соғлом организм бардош бера оладиган одатий огоҳлантиришларга ўта сезгир бўлиб қолади ва улардан халос бўлишга ҳаракат қилади.

Баҳорда гул, дарахт ва ўтларнинг гулчанглари, уй чанглари, патлар, жун зарралари ва уй ҳайвонларининг териси қўзғатувчилар рўйхатига киради ва ифлосланган ҳавода катта шаҳарда яшаш мавсумий аллергия аломатларини сезиларли даражада кучайтириши мумкин.

Тўхтовсиз аксириш, кўзлар ёшланиши ва бурун қичишиши

Кўзлар ёшланади, бурун қичишади, сумка шиша ва рўмолчага тўлади, атрофдагилар эса саломатлик тилаш билан овора, енгиллик эса бир неча дақиқага келади – баҳорда аллергия билан оғриганларнинг ҳаёти шундай кўринади. Буларнинг барчасига шунчаки чидаш керак эмас. Поллиноз белгилари тўғридан-тўғри аллергенларга боғлиқ: уларнинг сони қанча кам бўлса, шунча яхши, шу туфайли вазиятни енгиллаштириш учун иммунитет тизимининг бузилишига олиб келиши мумкин бўлган ҳамма нарсани максимал даражада истисно қилиш керак. Дарахтлар ва ўтларнинг фаол гуллаш даврида аллергия билан оғриган одамлар юришни чеклашлари, гулчанглардан ҳимоя қилиш учун қуёшдан сақлайдиган кўзойнак, тиббий ниқоб тақиши, уйда деразаларни ёпиш ва намлагичлардан фойдаланишлари керак. Тез-тез душ қабул қилиш, тозалашни амалга ошириш ва симптомларни йўқотиш учун тўғри дори воситаларини танлаш керак: тери, кийим ва хонада аллергенлар қанчалик кам бўлса, саломатлик ҳолати шунчалик яхши бўлади.

Тоқат қилишни тўхтатинг: масъулиятли даво чоралари

Поллиноз кўринадиган даражада зарарсиз эмас: агар мавсумий аллергия даволанмаса, аломатлар кучаяди ва узоқроқ давом этади. Асоратларнинг ривожланиш хавфи ортади, шиш, астма ва бронхит соғлиққа масъулият билан ёндашиш учун етарли сабабдир.

Афсуски, аллергия сурункали касаллик бўлиб, уни бутунлай даволаб бўлмайди, лекин хавфларни сезиларли даражада камайтириш мумкин: албатта, шифокор ёрдамида қандай дори воситаларини қабул қилишни маслаҳатлашиш лозим.

Симптомларни ўрганиш муҳимлиги масъулият билан ўз-ўзини даволаш (RSL) концепциясида ҳам қайд этилган. У соғлом бўлишни хоҳлайдиган ҳар бир киши учун бир нечта оддий, аммо муҳим тамойилларни ўз ичига олади: ўз вақтида кўрикдан ўтиш ва шифокорнинг кўрсатмаларига амал қилиш, дори воситаларини танлашда фармацевт билан маслаҳатлаш, препарат бўйича кўрсатмаларни диққат билан ўқиб чиқиш ва соғлом турмуш тарзини олиб бориш керак. Ҳар қандай ҳолатда аллергия, шамоллаш, куйиш ёки ошқозон бузилишидан қатъи назар дори-дармон бўйича кўрсатмалар ва шифокор тавсияларига амал қилиш керак. “Замин” янгиликларини “Facebook”да кузатиб боринг