696
Ичаклар фақат овқат ҳазм қилиш учун керак деб ўйлайсизми? Асносида, улар бутун тана саломатлигининг асосий калити. Қуйида ичак фаолияти бузилганини кўрсатувчи 6 белгини кўриб чиқамиз.
1. Асабийлик ва тушкун кайфият
Ичак муаммоси кайфиятга ҳам таъсир қилади. Гастроэнтеролог Адитя Шринивасаннинг айтишича, ичак — бу “иккинчи мия”. У ерда миядан кўра кўпроқ нейронлар бор. Шунинг учун ичак муаммолари асабийлик ва хавотирни келтириб чиқаради.
2. Тушунарсиз ҳолсизлик ва чарчоқ
Тинимсиз эснаш, кундузи уйқу келиши, ишга диққатни жамлай олмаслик — буларнинг сабаби ичаклар озуқа моддаларини етарли сингдира олмаётгани бўлиши мумкин.
3. Доимий бош оғриғи
Мигрен баъзан ичакдаги муаммолар билан боғлиқ бўлиши мумкин. Масалан, селиакия ёки хеликобактер инфекцияси. Агар бош оғриғи ҳазм билан боғлиқ муаммолар фонида бўлса — гастроэнтерологга мурожаат қилиш керак.
4. Оғиздан ёқимсиз ҳид
Доимий қабзият организмда токсинлар тўпланишига олиб келади ва бу нафас ҳидини ўзгартириши мумкин. Агар оғиз гигиенасига амал қилаётган бўлсангиз, лекин ҳид барибир йўқолмаса — ичакларингиз билан боғлиқ муаммо бўлиши мумкин.
5. Юз ва танадеги тошмалар
Акне, экзема, псориаз каби тери муаммолари кўп ҳолларда ичак саломатлиги билан боғлиқ бўлади. Тери — ичкарини акс эттиради.
6. Тез-тез касал бўлиш
Ичакларда иммунитет тизимининг 70% қисми жойлашган. Агар ичак микрофлораси бузилса, организм вирусларга, вакциналарга ва дори воситаларга яхши жавоб бермайди.
Сизда шу белгилардан бири борми? Эҳтимол, бу ичакдан сигналдир! «Замин»ни Telegram’да ўқинг!
09:52, 4-04-2025
