Энергетик ичимлик: кучми, ўлимми?

Энергетик ичимликлар бугунги кунда ёшлар орасида кенг тарқалган. Улар тезда ҳушёрликни ошириб, чарчоқни камайтиради. Аммо бу ичимликлар ортида нафақат қувват, балки саломатликка таъсир қилувчи хавф ҳам яширинган.

Ижобий таъсири:
1. Диққатни оширади: Ичимликдаги кофеин мия фаоллигини ошириб, ҳушёрликни кучайтиради.
2. Чарчоққа қарши курашади: Қисқа муддатда қувват бағишлайди.
3. Жисмоний фаолликни оширади: Баъзи спортчилар мусобақа олдидан фойдаланади.

Салбий таъсири:
Энергетик ичимликларда кофеин, шакар, таъсир кучайтирувчи моддалар (масалан, таурин, гуарана) жуда юқори миқдорда бўлади. Кўп миқдорда қабул қилинганда:
1. Юрак уришини тезлаштиради: Юрак-қон томир тизимига босим қилади.
2. Уйқусизликка олиб келади: Кечаси уйқунинг бузилишига сабаб бўлади.
3. Қарамлик ҳосил қилади: Доимий истеъмолга ўргатиб қўяди.
4. Асаб тизимини зўриқтиради: Ташвиш, безовталик, асабийлик кучаяди.
5. Қон босимини оширади: Айниқса гипертония муаммоси бўлганлар учун хавфли.

Тиббий ҳолатлар:
Дунёда энергетик ичимликларни ҳаддан ортиқ ичган одамлар орасида юрак тўхташи, мия қон айланишининг бузилиши ёки қоринчалар фибрилляцияси каби ҳолатлар туфайли вафот этганлар қайд этилган.

Энергетик ичимликлар вақтинча куч беради, лекин узоқ муддатда соғлиқ учун салбий оқибатлар келтириши мумкин. Айниқса болалар, ўсмирлар ва юрак касаллиги бўлганлар ундан бутунлай воз кечишлари лозим.

Унутманг! Энг яхши “энергия манбаи” – бу соғлом уйқу, мувозанатли овқатланиш ва жисмоний фаолликдир.