Ёзнинг жазирамасида бу маҳсулотларни истеъмол қилманг: хавфли рўйхат!

Ёз ойларининг иссиқ кунлари бошланиши билан одамларнинг кўпчилиги иссиқлик уришидан жабр кўриши мумкин. Тананинг қизиб кетиши, бош оғриғи ва бош айланиши каби белгиларга эга бўлган бу ҳолат кўпинча нотўғри овқатланиш билан боғлиқдир. Мутахассислар ёз мавсумида айрим маҳсулотларни истеъмол қилишнинг хавфи юқорилигини таъкидламоқда.

Овқатланиш бўйича эксперт Анастасия Лебедева айтишича, иссиқ кунларда терини куйишдан ва организмни қизиб кетишдан ҳимоя қилиш учун овқатланиш тартибини қайта кўриб чиқиш жуда муҳимдир. Баъзи таомлар ва маҳсулотлар организмнинг сувсизланишига сабаб бўлиб, иссиқлик уриши хавфини бир неча баробар оширади.

Мутахассиснинг сўзларига кўра, жазирамада организм учун энг хавфли маҳсулотлар орасида биринчи навбатда шўр ва тузли газаклар: чипс, кириешкалар, ёнғоқ, дудланган маҳсулотлар туради. Улар организмнинг сувни ўзлаштириш қобилиятини бузади, тўқималарда суюқликни ушлаб туриб, организмда шишларни пайдо қилиши мумкин. Натижада, одам доимий равишда сув ичишга эҳтиёж сезади, аммо сув тўғри сўрила олмайди.

Шу билан бирга, алкоголь маҳсулотлари ва қаҳва ҳам иссиқликда энг хавфли ичимликлар сирасига киради. Ҳатто бир стакан алкоголь ёки бир пиёла қаҳва ҳам организмдан сув чиқариб юборади, бу эса жисмоний ҳолатнинг ёмонлашуви, бутун кун давомида кучсизлик ва бош оғриғига олиб келади.

Ёзда қовурилган ёғли ва оғир оқсилли таомлардан ҳам воз кечиш муҳим ҳисобланади. Масалан, қизил гўшт, товуқнинг қовурилган қисмлари, шашлик каби таомлар ҳазм қилиш жараёнида танадан катта энергия талаб қилади. Бу жараён тананинг ҳароратини оширади, натижада одам ўзини ноқулай ҳис эта бошлайди.

Экспертнинг тавсияларига кўра, иссиқ ҳавода енгил таомларга устунлик бериш керак. Сабзавотлар, мева ва резаворлар, енгил шўрвалар, совуқ газаклар ва ферментланган сут маҳсулотлари (қатиқ, айрон, творог) танани яхши совитади ва организмнинг сув балансини нормал ҳолатга келтиради.

Иссиқлик энг юқори бўлган вақтда (12:00 дан 16:00 гача) тўлиқ овқатланиш ўрнига енгил газакларни истеъмол қилиш тавсия этилади. Эртаси ва кечқурунги вақтда эса нормал тарзда овқатланиш мумкин.

Шундай қилиб, агар сиз ёз мавсумини соғлом ва кучли бўлиб ўтказишни истасангиз, иссиқ кунларда юқорида саналган хавфли маҳсулотлардан воз кечишни унутманг. Соғлиқ – бу биринчи навбатда тўғри овқатланиш ва сув балансини сақлаш демакдир!