Иқлим ўзгариши оқибатида кучайиб бораётган иссиқ тўлқинлар инсон миясига жиддий таъсир кўрсатмоқда. Peopletalk`нинг ёзишига кўра, бу борадаги илмий кузатувлар мия фаолияти билан боғлиқ бир қатор саломатлик муаммоларининг кучайишига ишора қилмоқда.
Лондон университет коллежи неврологи, эпилепсия бўйича мутахассис Санджай Сисодиянинг таъкидлашича:
"Иссиқлик эпилепсияни кучайтиради: Масалан, Драве синдроми каби касалликлар юқори ҳароратда янада хатарли тус олади."
Иссиқ тўлқинлар эрта ўлимга олиб келиши мумкин: 2003 йилда Европадаги иссиқ тўлқинлар пайтида ортиқча ўлим ҳолатларининг 7 фоизи тўғридан-тўғри неврологик муаммолар билан боғланган.
Ушбу ҳолат 2022 йилда Британияда ҳам кузатилган: Одатдан ташқари иссиқ об-ҳаво мия билан боғлиқ хасталикларни кўпайтирган.
Иссиқлик таъсир қилувчи неврологик касалликлар рўйхати:
-
Эпилепсия;
-
Инсульт;
-
Энцефалит;
-
Рассеян склероз;
-
Мигрень;
-
Бошқа қатор неврологик бузилишлар.
Иссиқликнинг мияга салбий таъсири нималарда намоён бўлади?
-
Агрессия ва аччиқланишни оширади;
-
Депрессия ва руҳий тушкунликка сабаб бўлади;
-
Нерв ҳужайраларидаги электр импульсларга таъсир кўрсатади;
-
Дори воситаларининг таъсирини ўзгартириши мумкин;
-
Иқлимга оид хавотир ҳиссини кучайтиради.
Иссиқлик – фақат ташқи дискомфорт эмас, балки инсон миясига жиддий таъсир кўрсата оладиган омил эканини олимлар таъкидламоқда. Ҳарорат ошган сари, руҳий ва неврологик саломатликка бўлган эътибор ҳам ошиши лозим.
«Замин»ни Telegram’да ўқинг!
