
Австралияда уч кишини заҳарли қўзиқорин қўшилган Wеллингтон таоми билан ўлдиришда айбдор деб топилган Эрин Паттерсон ишида собиқ турмуш ўртоғига қарши илгари яширилган айбловлар илк бор ошкор қилинди. Суд эшитувида айтилишича, Паттерсон йиллар давомида эрини турли таомлар орқали заҳарлашга уриниб келган, ҳатто қизи пиширгандек кўрсатган шоколад печенеларини ҳам унга берган.
50 ёшли Паттерсон ўтган ой уч қариндошини ўлдириш ва яна бирини ўлдиришга уринишда айбдор деб топилган. Унга қарши собиқ эри Саймон Паттерсонга оид учта “қотилликка уриниш” айблови суд жараёни бошланишидан олдин олиб ташланган эди. Шу боис, ушбу даъволар суд жараёнида ошкор қилинмаган ва эндигина оммага маълум қилинмоқда.
Саймон Паттерсон судда гувоҳлик бериб, собиқ рафиқаси уни заҳарлашга урингани сабабли бир неча бор касалхонага тушганини, ҳатто бир марта комада қолиб, оиласига икки маротаба “хайрлашиш”га тайёр бўлишларини айтишганини маълум қилди. У ўз шубҳаларини отаси Дон Паттерсон ва шифокор билан бўлишган, бироқ ўша пайтда фақат ўзи нишонга олинган деб ўйлаганини билдирди.
Эрин Паттерсон ҳозирда қамоқда бўлиб, ҳукм чиқарилиши кутилмоқда. Ушбу иш Австралия бўйлаб кенг жамоатчилик эътиборини тортиб, мамлакатдаги энг шов-шувли жиноят воқеаларидан бирига айланди. Суд жараёни давомида очиқланган янги тафсилотлар эса бу ишнинг даҳшатини янада чуқурлаштирди.
«Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг
Мавзуга оид янгиликлар