Уй ҳайвонлари билан яшаш иммунитет тизимига фойдали таъсир кўрсатиши мумкин. Тадқиқотлар шуни кўрсатадики, болаликда ҳайвонлар билан алоқада бўлиш аллергия, астма хавфини камайтиради.
Фермаларда ҳайвонлар билан яшаган болаларда аллергия ва астма камроқ учраши аниқланган. Бу “мини-ферма эффекти” деб аталади: болаликда турли микробларга дуч келиш иммунитетни мустаҳкамлайди.
Уй ҳайвонлари одамнинг танасидаги микроблар муҳитига ҳам таъсир қилиши мумкин. Улар билан мунтазам алоқада бўлиш иммунитет тизимини ривожлантиради ва тана микробларини тартибга солишга ёрдам беради. Ҳатто уйда ит бўлса, аллергия хавфи сезиларли даражада камаяди.
Тадқиқотлар шуни кўрсатадики, уй ҳайвонлари билан мулоқот қилган болалар ва катталар иммунитетини фаол сақлайди. Масалан, болалар итлар билан ўсганида ичаклари соғломроқ бўлади, катталар эса ит билан сайр қилиш орқали микроблар билан алоқада бўладилар.
Мутахассислар таъкидлайдики, уй ҳайвонлари барча касалликларни даволамайди, лекин улар иммунитетни мустаҳкамлаш ва организмни микроблар билан таништиришда муҳим рол ўйнайди.
«Замин»ни Telegram’да ўқинг!
