Кўк пиёз — ҳар кунлик соғлиқ сирини берувчи неъмат

Ўзбек хонадонларининг дастурхонидан асоcий ўрин оладиган кўк пиёз нафақат таомларга мазза қўшади, балки соғлиқ учун ҳам бебаҳо манба ҳисобланади.

Кўк пиёз таркибида А, С ва К витаминлари, шунингдек, темир ва кальций моддалари мавжуд. У иммунитетни мустаҳкамлайди, яллиғланишларга қарши курашади ва қон айланишини яхшилайди.

Мутахассислар таъкидлашича, кўк пиёздаги антиоксидантлар организмни эркин радикаллардан ҳимоя қилиб, қариш жараёнини секинлаштиради. Шунингдек, уни мунтазам истеъмол қилиш қон босимини барқарорлаштириши мумкин.

Қизиғи шундаки, халқ табобатида ҳам кўк пиёз шамоллаш ва витамин танқислигида тавсия этилган. Хусусан, баҳор мавсумида дастурхонга кўк пиёз қўшиш инсон саломатлиги учун айни муддао.

Шундай экан, кўк пиёзни фақат таъм учун эмас, балки соғлиғингизни қўллаб-қувватловчи табиий неъмат сифатида ҳам қадрланг.

Чарос Заркараева

«ЗАМИН.УЗ» муҳаррири