Флорида штатда мактаб ўқувчилари учун мажбурий вакцина талабларини бекор қилиш таклиф қилинди. Бош шифокор Жосеф Ладапо ота-оналар фарзандлари учун ўзлари қарор қабул қилиши кераклигини айтмоқда. Губернатор Рон ДеСантис ташаббусни қўллаб-қувватласа-да, шифокорлар ва педиатрлар бу қарорни хавфли деб ҳисобламоқда.
Режага кўра, 90 кун ичида гепатит B, сувчечак каби касалликларга қарши мажбурий вакциналар бекор қилиниши мумкин. Мутаҳассислар бундай қарор болалар ва иммунитети заиф одамларда касаллик тарқалишига олиб келишини огоҳлантирмоқда.
Кўкйотал ва қизамиқ каби касалликлар ошмоқда. Масалан, 2024-йилда 700 дан ортиқ одам кўкйоталга чалинган, бу 2023-йилга қараганда бир неча баробар кўп.
Мутаҳассислар айтишича, вакциналар кўплаб касалликларнинг олдини олишда энг самарали йўл бўлиб қолмоқда.
«Замин»ни Telegram’да ўқинг!
